ഇത്തവണത്തെ ദീപാവലി നടി മംമ്തയ്ക്ക് വളരെ പ്രിയപ്പെട്ടതായിരുന്നു. ജീവിതത്തില്‍ സംഭവിച്ച പ്രതിസന്ധികളും വഴിത്തിരിവുകള്‍ക്കും ശേഷം കരിയറിന്റെ തുടക്കത്തില്‍ വാങ്ങിയിട്ട ഫ്‌ളാറ്റില്‍ പാലുകാച്ചല്‍ നടത്തി താമസം തുടങ്ങിയതിന്റെ സന്തോഷമാണ് താരം ഇന്‍സ്റ്റഗ്രാമിലൂടെ പങ്കുവച്ചത്.
മരടിലെ ഫ്‌ളാറ്റുകള്‍ പൊളിക്കുന്നത് സംബന്ധിച്ച വിവാദങ്ങള്‍ നിറയുന്ന ഈ സമയത്ത് കൊച്ചിയില്‍ ഞാനൊരു ഫ്‌ളാറ്റിലേക്ക് താമസം മാറുകയാണ്. 2008ല്‍ ഞാന്‍ സിനിമയില്‍ വന്ന സമയത്ത് ഞാന്‍ കൊച്ചിയില്‍ നടത്തിയ ഏക നിക്ഷേപമായിരുന്നു ഈ ഫ്‌ളാറ്റ് നീണ്ട 11 വര്‍ഷത്തെ കാത്തിരിപ്പിനുശേഷം ഞാന്‍ വീടിന്റെ പാലുകാച്ചല്‍ നടത്തി. അതിനായി സഹായിച്ച എല്ലാവര്‍ക്കും നന്ദി. എല്ലാ സുഹൃത്തുകള്‍ക്കും വീട്ടിലേക്ക് സ്വാഗതം. താരം ഇന്‍സ്റ്റഗ്രാമില്‍ കുറിച്ചു.
